اول حاجه هتيجي في بالك لو قلت لك اسمع كلام ابوك انك فورا هاتقولي ياعم هو انا عيل صغير ولا لسه في اللفه وهايحطوني في الغربال ويضحكوا عليا ويقولولي اسمه كلام ابوك وماتسمعش كلام امك وستك وبنت خالة عمك!!!!الحكايه مش كده خالص ولاقصدي كمان تطيع والدك ووالدتك علشان تدخل الجنه لان غصب عنك هاتعمل كده لو عايز تبقى بنى ادم محترم 
.......... الحكايه وما فيها ان سعادتك رغم طولك وعرضك وعقلك وفكرك واصحابك وشغلك حته صغيره من ابوك وجايز تكون مش فاهم انه مر بنفس الظروف اللي انت مريت بيها وعاش 
نفس الحياه اللي سعادتك بتعيشها يعني هو نفس البنى ادم بس جه الدنيا بدري شويه.......... علشان كده متستغربش لو قالك على حاجه وطلعت في النهايه صح وانت اللي غلط ولا تندهش لما يقول عليك مش فاهم وتمشي وتسيبه وبينك وبين نفسك بتقول عليه عايش في زمن تاني ومش عارف حاجه !!!!
ارجوك افهم واعقل واعرف ان اي حاجه بيقولها لك ابوك صح حتى لو عينك مش شايفه كده دلوقتي....
بكره تعرف ان كان عنده حق في كل كلمه قالها لك وكل مشكلك هو عارف حلها.........
اسمع منه واسال من غير غرور وكبرياء...
الأربعاء سبتمبر 29, 2010 3:51 pm
اليومية